రికార్డు స్థాయిలో కరోనా కేసులు, మరణాల సంఖ్య పెరుగుతోంది!

భారతదేశంలో కరోనావైరస్ కేసులు:

ఆ రాష్ట్రంలోనే ఎక్కువ కేసులు..

భారత్‌లో కరోనా కేసులు వేగంగా పెరుగుతున్నాయి. ఇటీవల ఆర్నెల్ల రికార్డును అధిగమిస్తూ కేసులు నమోదవగా… ఇప్పుడు ఆ రికార్డును కూడా దాటేసింది. గత 24 గంటల్లో దేశవ్యాప్తంగా 4,435 కొత్త కరోనా వైరస్ కేసులు నమోదైనట్లు కేంద్ర ఆరోగ్య శాఖ వెల్లడించింది. యాక్టివ్ కేసుల సంఖ్య 23,091కి పెరిగింది. కిందటి రోజు 3,038 కేసులు నమోదు కాగా… ఒక్కరోజులో కేసుల సంఖ్య వెయ్యికి పైగా పెరిగింది. 15 మంది ప్రాణాలు కోల్పోయారు. దేశవ్యాప్తంగా కరోనా మరణాల సంఖ్య 5 లక్షల 30 వేల 916కి చేరుకుంది. మహారాష్ట్రలో నలుగురు చనిపోయారు. ఢిల్లీ, ఛత్తీస్‌గఢ్, గుజరాత్, హర్యానా, కర్ణాటక, పుదుచ్చేరి, రాజస్థాన్‌లలో ఒక్కొక్కరు చనిపోయారు. ఈ కొత్త కేసులతో దేశవ్యాప్తంగా మొత్తం కరోనా కేసుల సంఖ్య 4 కోట్ల 47 లక్షలకు చేరుకుంది. క్రియాశీల కేసుల సంఖ్య మొత్తం కేసులలో 0.05%. రికవరీ రేటు 98.76%గా నమోదైంది. రోజువారీ సానుకూలత రేటు 3.38% మరియు వారపు అనుకూలత రేటు 2.79%. ప్రస్తుత లెక్కల ప్రకారం, దేశవ్యాప్తంగా 222 కోట్లకు పైగా కరోనా వ్యాక్సిన్‌లు అందించబడ్డాయి. మహారాష్ట్రలో కోవిడ్ కేసులు 186% పెరిగాయి. గత 24 గంటల్లో 711 కొత్త కేసులు నమోదయ్యాయి. దీనిపై మహారాష్ట్ర ఆరోగ్య మంత్రి తానాజీ సావంత్ స్పందించారు. కరోనా కేసుల పెరుగుదలను గమనిస్తున్నామని వెల్లడించారు. ప్రజలు ఆందోళన చెందాల్సిన అవసరం లేదన్నారు. ఏప్రిల్ 13-14 తేదీల్లో మాక్ డ్రిల్ నిర్వహిస్తామని స్పష్టం చేశారు. ఢిల్లీలో కొత్తగా 521 కేసులు నమోదయ్యాయి. గతేడాది ఆగస్టు 27 తర్వాత ఈ స్థాయిలో కేసులు నమోదు కావడం ఇదే తొలిసారి.