పవన్ నిర్ణయం మంచిదే కానీ.. బీజేపీ, టీడీపీ, జనసేన కలిసి పనిచేయడం సరికాదన్నారు నారాయణ

సీపీఐ నారాయణ: ఎన్నికల ముందు ఇచ్చిన ప్రతి హామీని ఏపీ సీఎం జగన్‌మోహన్‌రెడ్డి నెరవేర్చాలని సీపీఐ జాతీయ కార్యదర్శి నారాయణ డిమాండ్‌ చేశారు. వచ్చే ఎన్నికల్లో వైసీపీ ప్రభుత్వం ఓడిపోవడం ఖాయమన్నారు. అయితే గురువారం తిరుపతి నగర శివారులోని శెట్టిపల్లి భూములను నారాయణ సందర్శించారు. ఈ క్రమంలో వైసీపీ ప్రభుత్వం భూ సమస్యలను వెంటనే పరిష్కరించాలని కోరారు. శెట్టిపల్లిలో ఇళ్ల స్థలాలు కొనుగోలు చేసిన బాధితులు, రైతుల భూ సమస్యలను వెంటనే పరిష్కరించాలని సీపీఐ, సీపీఎం ఆధ్వర్యంలో నిరసన కార్యక్రమం చేపట్టారు. ఈ క్రమంలో నారాయణ మాట్లాడుతూ గతంలో తిరుపతి నగర శివార్లలోని శెట్టిపల్లి భూములను తక్కువ ధరకు కొనుగోలు చేసి ఇళ్లు నిర్మించుకోవాలన్నారు. ఆ తర్వాత టీడీపీ అధినేత చంద్రబాబు నాయుడు వచ్చి ల్యాండ్ పూలింగ్ చేపడతామని… 500 ఎకరాలు తీసుకుంటామన్నారు. వారికి కావాల్సిన సౌకర్యాలు కూడా కల్పిస్తామని వెల్లడించారు.

నాలుగేళ్లు గడిచినా హామీలు ఎందుకు నెరవేర్చలేదు?

అప్పట్లో ప్రతిపక్షనేతగా ఉన్న ప్రస్తుత సీఎం జగన్ మోహన్ రెడ్డి ఇదే స్థలంలో సభ నిర్వహించి చంద్రబాబు చెప్పేవన్నీ అబద్ధాలేనని నారాయణ స్పష్టం చేశారు. తాము అధికారంలోకి రాగానే భూములు ఇస్తామని హామీ ఇచ్చారు. సీఎం జగన్ అధికారంలోకి వచ్చి నాలుగేళ్లు గడుస్తున్నా ఏ ఒక్క హామీని నెరవేర్చలేదన్నారు. ప్రజలకు కనీసం మౌళిక వసతులు కూడా కల్పించలేకపోతున్నారని నారాయణ ఆగ్రహం వ్యక్తం చేశారు. ప్రస్తుతం రూరల్ , సిటీ వైసీపీ నేతల మధ్య వాటాల పంచుకోవడంలో విభేదాలు రావడంతో శెట్టిపల్లి భూముల వ్యవహారం మరింత వివాదాస్పదమైందనే ఆరోపణలు వినిపిస్తున్నాయి. టీడీపీ హయాంలో ల్యాండ్ పూలింగ్ విధానంలో జరిగిన భూసేకరణ నాలుగేళ్లు గడిచినా ఎందుకు పరిష్కారం కాలేదో చెప్పాలని జగన్ ను నారాయణ ప్రశ్నించారు.

వైసిపి ప్రభుత్వం ఓడిపోవడం ఖాయం..
రానున్న ఎన్నికల్లో వైసీపీ ప్రభుత్వం ఓడిపోవడం ఖాయమని సీపీఐ నారాయణ వెల్లడించారు. బీజేపీ, జనసేన, టీడీపీ కలిసి పోటీ చేయాలనే ఆలోచన కూడా సరికాదన్నారు. వైసీపీ ప్రభుత్వాన్ని ఓడించేందుకు పవన్ కల్యాణ్ తీసుకున్న నిర్ణయం మంచిదేనన్నారు. కాకపోతే టీడీపీ, బీజేపీతో కలిసి వెళ్లడం మంచిది కాదు. గైడెన్స్ విషయంలో వైసీపీ ప్రభుత్వం సర్క్యులర్‌గా వ్యవహరిస్తోందన్నారు. అలాగే రాష్ట్ర ప్రయోజనాల కోసం సలహాలు తీసుకునే తత్వం ముఖ్యమంత్రి వైఎస్ జగన్ మోహన్ రెడ్డికి లేదని నారాయణ విమర్శించారు. పోలవరం ప్రాజెక్టు విషయంలో రాష్ట్ర ప్రభుత్వం మొండి వైఖరిని విడనాడాలన్నారు. పోలవరం ఎత్తు పెంచాలని, నిర్వాసితులకు పరిహారం ఇవ్వాలని డిమాండ్‌ చేశారు. పోలవరం విషయంలో విభజన హామీల హక్కుల సాధనలో రాష్ట్ర ప్రభుత్వం వెనుకబడిందన్నారు. పోరాటానికి భయపడితే పార్టీ మొత్తాన్ని ఢిల్లీకి తీసుకెళ్లండి.. విభజన హామీలను సాధిస్తామని సీపీఐ జాతీయ కార్యదర్శి నారాయణ అన్నారు.